صحة و جمال

قصة نجاح شيرين اشرف صاحبه جروب (انتstore) وهى لا تتعدى العشرين سنة

قصة نجاح شيرين اشرف صاحبه جروب (انتstore) وهى لا تتعدى العشرين سنة

*بدأت وانا عندى  14 سنة ب300ج فقط..وانهاردة عندي براند اونلاين (انتstore) .. شيرين اشرف تحكى قصة نجاحها

*شيرين اشرف اول بنت تنقل سوق الوكالة للملابس المستوردة الى (وكالة اونلاين)

قصة نجاح شيرين اشرف

قصة نجاح شيرين اشرف:

انا شيرين اشرف عندى 20 سنة بدات اشتغل اونلاين من وانا عندي ١٤ سنه كنت ف ٣ اعدادي .

وقتها بدأت مشروعي ب ٣٠٠ ج جبت شويه ميكاب بسيط جدا, عملت جروب و بدعم من اصحابي و الناس الي اعرفها.

الجروب ابتدي يكبر و كان دايما غرضي اني ابيع ب مكسب قليل بس ابيع عدد اكبر فضلت اشتغل لحد ٣ ثانوي.

و بعد كدا لما خلصت كنت قاعده عادي بتكلم مع صاحبتي جيه ف بالي فكره ان احنا ليه ما نشتغلش فى

البراندات ونبيع للناس بسعر قليل زي ما بنروح الوكالة نجيب هدومنا !؟

ليه مكبرش فكرة ان بسهوله تقدري تلبسي كل البراندات بس باقل من ربع سعرها و من هنا رجعت تاني فكره

اني اعمل جروب جديد و اسميه باسم ليه علاقه ب الوكالة و كان اسمه وقتها وكاله ستور و كنت انا اول بنت

تعمل فكره (الوكالة اونلاين).

انتstore

بداية النجاح والتوسع اونلاين:

ابتديت من سنتين تقريبا و الحمدلله اتشهرت بالفكرة و اتاخدت مني الفكرة كتير و اتقلدت بس كنت مميزه

شوية عن الباقي ف فكره الاسعار برضه فضلت اقول هكسب قليل و ابيع كتير لاني زيي زي كل البنات نفسنا

نشتري حاجات كتير بس تكون سعرها حلو عشان نشتري اكتر و بدات افكر طب ليه مكملش الطقم بتاعنا ؟

و من هنا قولت هشتري كل حاجه ليها علاقه بالبنت من شنط و جزم و اكسسوار و بسعر جملتها ابيع ! و

بالفعل عملت كدا و كنت ساعتها بصور الشغل ف الشارع كدا وانا واقفه عند صاحب المحل ! بس الحمدلله

دلوقتي بقا عندي معدات تصوير و بصور ف البيت بطريقه احسن ب كتير.


إقرأ أيضاً: 

اعملي صن بلوك طبيعي وآمن في المنزل

الطريقة السحرية لصبغ الحواجب في المنزل بطرق سهله


مرحلة الإنتشار اكثر :

و كمان دخلت ف شراكة مع صديق و بقيت شريكة في مكتب جمله للاكسسورات و النظارات وانا لسه

مكلمتش ال ٢١ سنه عشان ادعم و اقف جمب البنات الي نفسها تشتغل باقل الاسعار و ابتدي المشروع  دا

يكبر شويه شويه بجانب شغلي الاساسي.

جروبي الجميل  الصغنن (انتstore):

قدرت اوصل الجروب ل اكتر من ٧٥ الف بنت ف خلال اقل من سنتين و فخورة ب دا و لسه عايزه اكمل و اوصل

لاكتر من كدا بكتير و اخلي كل بنت تجيب الي محتاجاه ب اقل الاسعار

انتstore

أخيراً: 

و ف الاخر حابة اقول لكل البنات انها تحاول تعتمد على نفسها ف كل حاجه ليها حقيقي الموضوع بيكون ممتع

لابعد الحدود فكره انك تتعبي ف شغلك و تقدري قيمة الفلوس دي حاجه جميله جدا و هتبني في شخصيتك حاجات كتير.

لينك اكونت الفيس:

https://www.facebook.com/profile.php?id=100013745589433

 لينك اكونت الانستجرام:

https://www.instagram.com/_shirenashraaf

لينك جروب الفيس (انتstore):

https://www.facebook.com/groups/2550236025224412/

مقالات ذات صلة

زر الذهاب إلى الأعلى